深圳舟市水產｜香港自助餐就食得多，深圳食自助餐又試過未呢？深圳舟市水産只需人均¥279就有豐富種類嘅即撈即煮海鮮：澳洲藍龍蝦、九節蝦、孟加拉膏蟹、龍膽石斑魚刺身、鐵板燒及應節水果任食，即睇詳情！
深圳舟市水產自助餐｜任食新鮮藍龍蝦＋天使紅蝦＋金枕頭榴蓮
舟市水產海鮮自助餐人均¥279就可以兩小時内無限享用到全場超過200款美食，包括活海鮮、即開泰國金枕頭榴蓮、新鮮現切刺身同應季水果，超高CP值同埋豐富嘅食物選擇令舟市水產成為深圳人氣排隊店～相信絕對可以滿足到唔同人嘅口味！
舟市水産海鮮自助餐最大嘅賣點就係客人可以自己去魚缸挑選海鮮然後交畀廚師即劏即煮！除咗保證新鮮生猛之外，選擇亦都多到令人眼花繚亂：澳洲藍龍蝦、羅氏蝦、孟加拉膏蟹、象拔蚌、俄羅斯雪蟹…
雖然餐廳主打海鮮，但係喺其他食物區都相當有誠意～師傅即切刺身、日式壽司、現做嘅鐵板燒、賣相相當靚仔嘅熱葷區！
食完正餐當然要歎返個飯後甜品，舟市水產有種類豐富嘅應節水果。最吸睛嘅絕對係現場即開即食嘅泰國A級金枕頭榴槤，亦有提供其他價錢比較貴嘅水果例如：山竹、車厘子、荔枝、陽光麝香提子等等，真係聽到都流晒口水呀！
深圳自助餐｜舟市水産海鮮自助餐價目表
| 舟市水産海鮮自助餐價目表 | |
| 價錢 | 成人：¥279 身高1.1至1.4米兒童：¥118 |
| 生日優惠 | 生日當日本人憑身份證更可享六折優惠 |
| 注意事項 | 每一枱要先付¥100押金，剩餘食物少過200克將會退還押金。 |
深圳自助餐｜舟市水産海鮮自助餐詳情
| 舟市水産海鮮自助餐詳情 | |
| 深圳店 | 地址：羅湖寶能中心環球匯商場5樓5007號舖 營業時間：星期一至日11:00 – 15:00／17:00 – 22:30 前往方法：深圳地鐵7號線筍崗站E出口步行約5分鐘 |
| 金光華黑金店 | 地址：羅湖金光華廣場6樓7號舖 營業時間：星期一至日11:00 – 15:00／17:00 – 22:30 前往方法：深圳地鐵1號線國貿站B出口步行約3分鐘 |
| 龍崗店 | 地址：龍崗深圳仁垣夢中心2樓2樓28號舖 營業時間：星期一至日11:00 – 15:00／17:00 – 22:30 前往方法：深圳地鐵16號線愉園站C出口步行約7分鐘 |
| 龍華觀瀾湖店 | 地址：龍華觀瀾湖新城MHMALL一期 營業時間：星期一至日11:00 – 15:00／17:00 – 22:30 前往方法：深圳地鐵4號線觀瀾湖站C2出口步行約1分鐘 |
有到日本旅遊前要了解的實用資料嗎？
日本是香港人最愛的兩大旅遊地點，去旅行前必看5大旅遊保險保障新冠肺炎的比較，另外為你推介日本10大好用電話卡，亦可參考日本8大Wifi蛋推介。當然亦要事先了解日本地區天氣、電壓、電源插頭、入境簽證要求及大使館電話。
