Edan林明禎｜Edan演唱會曾化身偶像導師 教偶像勿做3件事慘中「回力鏢」
▼▼點擊放大睇更多精華▼▼
近日Edan受林明禎緋聞影響，引發爵屎們兩極化的回應。令人聯想起上年《EDAN LUI “IN MY SIGHT OF E” SOLO CONCERT 2023》演唱會上，Edan化身名師E.D. Lui開班教導「如何成為合格偶像」，並請到當年《全民造星》的隊友B3組上台一同開始Talk Show。
Talk騷首先大抽姜濤的經典「掃掃掃」，其後開始細數E.D. Lui的CV，當中包括︰「全球百大型男第73名」丶「膠戰第十集MVP」丶「全民造星觀眾投票第九名」等等。其後Edan開始介紹做偶像需要做好三件事，當中包括︰「講啱嘅事」丶「做啱嘅事」以及「做要做嘅事」
Edan表示偶像隨時講錯一句說話就會「原地收皮」，故此向學生推介三大金句︰「感恩感恩/Thank You Thank You」丶「應該可以嘅，但要問咗我經理人先」丶「呢條係個好好嘅問題」。
其後進入「做啱嘅事」環節，Edan表示「BB唔做得嘅事，偶像一律都唔做得。」當中包括自嘲的「舉中指」丶「講粗口」以及「千萬不能草率地和異性有近距離接觸」。
▼即睇當時原句▼
當時的Talk騷幾乎抽盡身邊MIRROR成員的水，同時亦有自抽，除了「除中指」一事，更有Edan不慎用IG 讚好「Double May」一事等等，最後更笑言其實自己根本做不到以上所教導的事情，未能成為100分的偶像。Talk騷總長度超過30分鐘，不過唯獨頭場只能觀賞完整版本，其後場次都有刪減部分環節。
